Les mots surlignés font l'objet d'une note
1Reçue à Taulignan, le 09 janvier 1574.
2Sommation avec protestation faicte par le sieur Du
3Pègue et de sa part contre les consulz et conseliers
4respectivement du lieu de Taulignan
5Lan mil cinq cens septante quatre et le septiesme jour du moys
6de janvier audit lieu de Taulignan deans la mayson de sire Loys
7Taupenas dudit lieu, cest presenté Me Claude Coderci du Poys
8de Laval, lequel, pour et au nom dudit sieur Du Pègue, commandant pour
9le service de sa maiesté audit Taulignan et ayant commandement exprès
10dudit sieur Du Pègue de ce faire auroyt dict et remonstré à Mathieu
11Arnaud, Sebastien Giroard, consulz modernes dudit Taulignan, jehan Tourtel,
12Pierre Durant, Loys Tauperas, Jehan Aulbert le Vieulx, m[essir]e Jehan
13Aymoins, notaire λ [en bas du verso : λ : et catholysé long temps aprèz la mort de ladmirailh], Mendon Callemand, conseliers et auditeurs des comptes
14dudit lieu, illec estatz tous assemblez pour la reddition des comptes
15desdits Jehan Tourtel et Pierre Durant, jadis consulz dudit lieu de
16lannée passée, mil cinq cens septante troys, que combien que
17et de la part dudit sieur leur seroyt esté dict et notiffié que suyvant
19la declaration du roy surce faicte et pour garder de faire
20aulcun complot et monipole à lavantaige des rebelles de ceulx
21de la nouvelle oppignion et actendu la grande quantité quil en a audit
22lieu quilz n’heussent à prendre et recepvoyr à la reddition desdits
23comptes ny en leurs conseilz et assemblées pour les affayres de la
24commune dudit lieu, aulcunqz de ceulx de ladite nouvelle oppignon ny
25catholysez despuys la mort de ladmirailh comme mesmes ledit
26sieur la deffendu audit Pierre Durant de sa propre bouche,
27ce nonobstant et au mespris et contentement du service de sa maiesté
28et commandement à ceulx faict par ledit sieur comme dict est, ilz ont
29commis à leurdite audiction et reddition de comptes ceux de ladite
30nouvelle oppignyon et catholysez despuis peu de temps en ça et long
31temps aprèz la mort de ladmirailh, entre lesquelz est ung nommé
32Mondon Callamand, catholysé illec present pour rayson de quoy
33|215 v°] et actendu ladite contrevention et desobeyssance et mesmes que
34journellement ilz assemblent et appellent en leurs conseilz
35et assemblées quantité diceulx de ladite nouvelle oppignon,
36que porroyt causer quelque surprinse et trahison
37audit lieu, comme se faict journellement en beaucoup daultres
38lieux, ledit Coderci , au nom que dessus, a protesté et
39proteste contre les personnes et biens desdits sus nommez assemblez
40et en leur propre et privé nom de ladite contrevention requerant
41les soubz nommez pour tesmoingz, lesquelz tous ensemble
43ont dict et respondu quil ny a aulcung de ladite nouvelle
44oppignyon ny catholysez auditeurs desdits comptes et que
45quant audit Mondon Callamand, ledit Loys Taupenas a respondu
46que luy et ledit Jehan Aulbert, auditeurs desdits comptes avoyent
47prins ledit Callamand pour tiers et adjoinct avec eulx pour
48le deffault et reffus faict par André Alanson, dudit lieu, disens
49Coderci, au nom susdit, a protesté et requis acte comme dessus,
51mesmes quilz avoyent nommé et esleu ausdits comptes ledit André Alanson
52ayant esté diacre et estant encores fort affectioné et
53tenent le parti de ladite nouvelle oppignyon. Faict au lieu
54susdit, aux presences de noble Loys d’Arenton dudit Arenton en Savoye
55et Claude Pealla du lieu de Venteyrol, tesmoins à ce requis et appellez.
56Donné comme dessus, de moy, Claude Martin de la
57ville de Nyons, catholic, notaire royal delphinal, ce
58recepvant et rien retenu soubz[sig]né
59Martin
60Ainsi le certiffie ce que dessus avoit
61esté faict par mon commandement
62Le Pegue